Proqramlasdırma Prinsipi DRY

Proqramlasdırmanın DRY prinsipi (Don’t repeat yourself) irimiqyaslı sistemin, məsələn, hazırladığınız proqram təminatının daha kiçik, təkrarlanmayan komponentlərə bölünməsini nəzərdə tutur. Əgər eyni vəzifələri yerinə yetirən bir neçə komponentiniz varsa, onda DRY prinsipinə əsasən onların sayını azaltmaq, ideal halda hər bir komponentin təkrarlanmamasını təmin etmək lazımdır.

Sistem dəqiq müəyyən edilmiş vəzifələrin yerinə yetirilməsinə cavabdeh olan komponentlərə bölündükdən sonra, onları siniflərdə təşkil etmək olar, buna modul arxitekturası deyilir.

Sistemin DRY prinsipinə uyğun düzgün qurulması üçün aşağıdakı qaydalara əməl etmək lazımdır:

• Layihə üzərində işə başlamazdan əvvəl onu vizual komponentlərə bölünmüş qrafik sxem şəklində təsəvvür edin.
• Mürəkkəb layihə komponenti üzərində işləyərkən, onu da UML diaqramı və ya oxşar vasitələrlə qrafik şəkildə təqdim etmək lazımdır.
• Qrafik sxemdə layihənin hər bir komponentinin iyerarxiyası və rolu aydın göstərilməlidir.
• Həmçinin sxemdə komponentlərinizin layihənin digər iştirakçılarının komponentləri ilə əlaqəsi, eləcə də layihənin hansı qollarının ümumi və ya şəxsi olacağı göstərilməlidir.
• Komponentlər arasında sərt əlaqələrdən qaçınmaq lazımdır, çünki onlar bütövlükdə layihə arxitekturasının səmərəliliyinə mənfi təsir göstərir.

Həmçinin bax