PHP-də return instruksiyası

Tutaq ki, bizim ötürülən ədədin kvadratını ekrana çıxaran funksiyamız var:

php<?php
  function func($num) {
    echo $num * $num;
  }
  
  func(3); // 9 çap edəcək
?>

Tutaq ki, biz dəyəri ekrana çıxartmaq deyil, hanşısa dəyişənə yazmaq istəyirik, belə:

php<?php
  $res = func(3); // $res dəyişənində indi 9
?>

Bunun üçün PHP-də xüsusi return instruksiyası var, bu, funksiyanın qaytardığı dəyəri göstərməyə imkan verir. Qaytarır sözü altında o dəyər başa düşülür ki, əgər çağırılmış funksiyanı dəyişənə təyin etsələr, həmin dəyişənə yazılacaq.

Beləliklə, gəlin funksiyamızı elə yenidən yazaq ki, o, nəticəni ekrana çıxartmasın, əksinə onu dəyişənə qaytarsın:

php<?php
  function func($num) {
    return $num * $num;
  }
?>

Gəlin indi funksiyanın işinin nəticəsini dəyişənə yazaq:

php<?php
  $res = func(3);
?>

Məlumatlar dəyişənə yazıldıqdan sonra, onları, məsələn, ekrana çıxarmaq olar:

php<?php
  $res = func(3);
  echo $res; // 9 çap edəcək
?>

Ya da əvvəlcə bu məlumatları hansısa şəkildə dəyişmək, sonra isə onları ekrana çıxartmaq olar:

php<?php
  $res = func(3);
  $res = $res + 1;
  echo $res; // 10 çap edəcək
?>

Dəyişənə yazmadan əvvəl funksiyanın işinin nəticəsi ilə dərhal hansısa əməliyyatlar yerinə yetirmək olar:

php<?php
  $res = func(3) + 1;
  echo $res; // 10 çap edəcək
?>

Funksiyamızı müxtəlif ədədlər üçün bir neçə dəfə çağırmaq olar:

php<?php
  $res = func(2) + func(3);
  echo $res; // 13 çap edəcək
?>

Nəticəni dəyişənə yazmamaq, onu dərhal ekrana çıxartmaq olar:

php<?php
  echo func(3); // 9 çap edəcək
?>