Python-da paket quraşdırıcısı pip
Paket quraşdırıcısı pip (Preferred Installer Program, Üstünlük verilən Quraşdırma Proqramı) Python dilində yazılmış proqram paketlərini quraşdırmaq və idarə etmək üçün lazımdır. Onun köməyi ilə konkret layihəyə (qovluğa) lazımlı üçüncü tərəf kitabxanaları və/və ya modullar quraşdırıla bilər.
Python 3.4 versiyasından başlayaraq, pip
Python interpretatoru ilə birlikdə təchiz edilir.
Lakin işə başlamazdan əvvəl, gəlin əməliyyat
sistemimizdə pip-in olub-olmadığını yoxlayaq.
Bunun üçün aşağıdakı əmri daxil etmək lazımdır:
Linux ƏS-də pip3 və Windows-da pip:
terminalpip
Müxtəlif ƏS-lər üçün əmrlərdəki fərqə diqqət
edin. Linux üçün həmişə Pythonun versiya
nömrəsini əlavə etmək lazımdır, məsələn:
python3 və pip3. Windows ƏS-də
işləyərkən versiyanı göstərmək lazım deyil -
python və pip. Bundan sonra
Windows üçün əmrlərdən istifadə olunacaq,
amma əgər Linux-da işləyirsinizsə, onda
həmişə python3 və pip3 yazın.
Kodu yerinə yetirdikdən sonra konsolda pip üçün əlavə əmrlər və flaglar haqqında məlumat peyda olacaq. Gəlin quraşdırılmış paketlərin siyahısını yoxlayaq. Bu aşağıdakı əmr vasitəsilə edilir:
terminalpip list
Kodu yerinə yetirməyin nəticəsində konsolda aşağıdakı formalı siyahı peyda olacaq:
terminalPackage Version
---------------------- -------
mysql-connector-python 8.2.0
pip 24.0
protobuf 4.21.12
setuptools 65.5.1
wheel 0.38.4
Pip-in sizdə quraşdırılıb-quraşdırılmadığını yoxlayın.
Əməliyyat Sisteminizdə hansı Python paketlərinin artıq quraşdırıldığını öyrənin.