ცვლადების გამოყენება

იმისთვის, რომ გამოვიყენოთ ცვლადი, ჯერ საჭიროა მისი გამოცხადება: დავწეროთ მისი სახელის წინ საკვანძო სიტყვა let. მოდით გამოვაცხადოთ, მაგალითად, ცვლადი სახელად a:

javascriptlet a;

ცვლადის გამოცხადების შემდეგ მასში შეგვიძლია ჩავწეროთ (ამბობენ მივანიჭოთ მას) რაიმე მნიშვნელობა, მაგალითად, რაიმე რიცხვი ან სტრიქონი.

მონაცემების ჩაწერა ცვლადში ხორციელდება მინიჭების ოპერაციის = საშუალებით. მოდით, მაგალითად, ჩავწეროთ ცვლადში a რიცხვი 3:

javascriptlet a = 3;

ახლა კი მოდით გამოვიტანოთ ამ ცვლადის შიგთავსი ეკრანზე ფუნქციის alert საშუალებით:

javascriptlet a = 3; // ვაცხადებთ ცვლადს და ვანიჭებთ მნიშვნელობას
alert(a);  // გამოიტანს 3-ს

არ არის აუცილებელი ცვლადის მნიშვნელობის მინიჭება მისი გამოცხადებისთანავე. შესაძლებელია ჯერ ცვლადის გამოცხადება, შემდეგ კი მას მნიშვნელობის მინიჭება:

javascriptlet a;    // გამოვაცხადოთ ცვლადი
a = 3;    // მივანიჭოთ მნიშვნელობა
alert(a); // გამოვიტანოთ ცვლადის მნიშვნელობა ეკრანზე

როგორც ხედავთ, let ცვლადის სახელის წინ იწერება მხოლოდ ერთხელ - ამ ცვლადის გამოცხადების დროს. შემდეგ, ცვლადის გამოსაყენებლად, საჭიროა მხოლოდ ამ ცვლადის სახელის დაწერა.