Методологијата RUP

Методологијата RUP (Rational Unified Process, Рационален унифициран процес) претставува база на знаења со систем за пребарување лоцирана на интернет. Методологијата RUP е создадена од компанијата Rational Software.

Методологијата RUP се заснова на следните принципи:

• Рано откривање и постојано, сè до завршувањето на развојот, отстранување на ризиците.
• Целосна сосредоточеност на барањата на клиентот, кои се поставуваат кон развиваниот производ.
• Постојана подготвеност за внесување промени во задачите на проектот и начините на неговата имплементација.
• Примена на компонентна архитектура при работа на проектот.
• Контрола на квалитетот на изведбата на проектот во сите фази на неговиот развој.
• Работниот тек на проектот се одвива во збиена екипа, каде главна улога имаат архитектите.

Работата на проектот со користење на методологијата RUP ги вклучува фазите:

1. Почетна фаза (Inception), во која се формира концептот на проектот, неговото економско оправдување, се проценуваат ризиците, се создава модел на употреби.
2. Детализација (Elaboration). Во оваа фаза се анализира идниот производ и се документираат сите негови детали, се проектира и тестира архитектурата на проектот, се поточно одредуваат роковите и трошоците на работата, како и, доколку е можно, се намалуваат главните ризици.
3. Изградба (Construction), во која се одвива главниот развој на производот. По завршувањето на изградбата се случува првото надворешно издавање на системот и се обележува пресвртницата на почетната функционална спремност.
4. Имплементација (Transition). Во оваа фаза веќе е создаден производот, кој по тестирањето се предава на клиентот. Доколку клиентот не е задоволен со добиените резултати, производот повторно поминува низ циклус, кој ги вклучува сите погоре наведени фази.

Погледни исто така